 |
  |
Bu da ki, bu ömrün görəcək günü,
Sən də bir az gülüb, bir az ağla, keç.
Öz doğma anam da bətnində məni,
Doqquz aydan artıq saxlamadı heç...
O adam ömrünü söküb aparıb,
O adam qəbrini tikib bax belə...
Bu ölüm nə sirdi, büküb aparıb,
Daş altda basdırıb gəlirlər elə?!
Nə qədər dartsan da çatmaz ulduza,
Necə də gödəkmiş hamının dili.
Dur ayağını ver o əlil qıza,
Gəl səni çiynimdə aparım, ölü!...