Abşeron rayon Heydər Əliyev Mərkəzində  AYB-nin üzvü, şair Yusif Hüseynin “Kəlbəcər  ağrılı dünyamdı  mənim” adlı şeirlər kitabının  təqdimatı keçirilib.

Tədbiri Azərbaycan Yazıçılar Birliyinin Abşeron bölməsinin  sədri  yazıçı-publisist Şəhla Ağbulud  açaraq  tədbir iştirakçılarına şairin təqdim olunan kitabı və yaradıcılığı haqqında məlumat  verib.

Tədbirdə professor İlham Məmmədli, şair-tərcüməsi  Adil Cəmil, “Kredo” qəzetinin baş  redaktoru Əlirza Xələfli, şair Ələmdar Cabbarlı, professor Şirindil Alışanov, professor Şahlar Əsgərov, ön sözün  müəllifi Vəliyəddin Misiroğlu  və başqalar çıxış edərək Yusif Hüseynin yaradıcılığı ilə bağlı fikirlərini səsləndirərək müəllifi yeni kitabı münasibətilə təbrik ediblər.

Xanəndələr  Təyyar Mirzəyev, Qəhrəman  Qənbərov, Afət Nəbiyeva xalq mahnıları, muğam, İsmət  Şirinli  Uzundərə rəqsi ifa  ediblər. Aşıqlar Famil Əhlimanoğlu, Əfsanə Cəlilova  şairin sözlərini saz havası üstündə oxuyublar.

Əmakdar artist Şüküfə Musayeva rayon mədəniyyət şöbəsinin  əməkdaşı Hürü Səmədova Yusif Hüseyinin şeirlərindən seçmələr söyləyiblər.

       Sonda AYB Abşeron bölməsinin  sədri Şəhla Ağbulud  bölmənin adından şairə  Diplom və hədiyyə təqdim edib.

Şamo Əliyev