Minnətsiz sevgisiylə

Yer ilə qucaqlaşan

Göy üzü.

Nə yaxşı ki sən varsan.

Hərdən yerdə darıxanda,

              Həyatdan karıxanda,

Sadəcə sənə baxmaq yetər.

Gecə şər qarışanda,

       Dan yeri söküləndə

            Sənə dalmaq yetər.

Sükutuna  qarışıb,

       Cənnətinə qovuşub

Yenidən doğulmaq

                      Nə gözəl.

Nə yaxşı ki

Zorun, gücün paylaşdığı

Bu dünyada

           Bütöv əzəmətin vardır.

Sükutun da dil açır:

Nə qədər alçalsanız,

        Nə qədər ucalsanız,

Tanrıya ucalan

        Tək yol məndədi.

Məndən enən,

Mənə qalxan

       Tək yol.

Unutma!

Yer üzü ,

              İnsan!