 |
  |
Xırman üstü dən olur,
Çox gəlib-gedən olur,
Fələkdə nə qaydadı,
Zülm üstən sitəm olur?
***
Sovrulduq saman kimi,
Qovrulduq şaman kimi,
Sellər, sular çağlayır,
Gözümü yuman kimi1
***
Əzizim yada qaldı,
Ya qırğın, ya da qaldı!
Şəhid oldu Xocalım,
Torpağım yada qaldı!
***
Fələk yolu bağladı,
Didəm qanlar ağladı!
Əsir düşdü millətim,
Ürəyimi dağladı!
***
Əzizim, yada düşdü,
Qəlbimə qada düşdü!
90-cı qırğında,
18 yada düşdü!
***
Əzizim, od tutubdur,
Od yanıb, od tutubdur,
Qırılıb xocalılar,
Torpağı yad tutubdur!
***
Əzizinəm, güc gəldi,
Yağı mənə güc gəldi,
Talandı mərd Xocalım,
92-im kəc gəldi!
***
Əzizim, damsız qaldıq,
Binəsiz, damsız qaldıq,
Özgəyə ümid olduq,
Piltəsiz, şamsız qaldıq!
***
Atım var, yüyənim yox,
Qapım var, döyənim yox!
Ədalətim tapdanır,
Haqqımı deyənim yox!
***
Mən aşiq belə qalmaz!
Su çağlar selə qalmaz!
Bir gün yenilər düşmən,
Qisasım belə qalmaz!Bayatılar
***
Əzizinəm, güc gəldi,
Yağı mənə güc gəldi,
Talandı mərd Xocalım,
92-im kəc gəldi!
***
Əzizim, damsız qaldıq,
Binəsiz, damsız qaldıq,
Özgəyə ümid olduq,
Piltəsiz, şamsız qaldıq!
***
Atım var, yüyənim yox,
Qapım var, döyənim yox!
Ədalətim tapdanır,
Haqqımı deyənim yox!
***
Mən aşiq belə qalmaz!
Su çağlar selə qalmaz!
Bir gün yenilər düşmən,
Qisasım belə qalmaz!