Bu gün Azərbaycan Yazıçılar Birliyinin “Natəvan” Klubunda Azərbaycan Yazıçılar Birliyi Gənclər Şurasının sədri Elşad Ərşadoğlunun və sədr müavini, AYB-nin Mətbuat Xidmətinin rəhbəri Xəyal Rzanın təşəbbüsüylə AYB Gənclər Şurasının və ali məktəblərin Tələbə Gənclər təşkilatlarının sədr və sədr müavinlərinin iştirakı ilə “Ali məktəblərdə ədəbiyyatın təbliği və müasir ədəbi prosesdə gənclərin rolu” mövzusunda Dəyirmi Masa keçirilib. Bir çox gənc şair və yazıçıların, ədəbiyyatsevərlərin də qatıldığı tədbirin keçirilməsində əsas məqsəd Tələbə Gənclər təşkilatlarının vasitəsi ilə ali məktəblərdə, gəncliyin əsas hərəkətverici qüvvəsi olan tələbələr arasında ədəbiyyatın təbliğinin genişləndirilməsi sahəsində fikir mübadiləsi aparmaq və bu istiqamətdə yeni yollar axtarıb tapmaq, eyni zamanda ali məktəblərdəki istedadlı yaradıcı gənclərin müasir ədəbi prosesdə iştirakı və onların bu prosesə daha yaxından cəlb olunması məsələlərini müzakirə etməkdən ibarətdir olub. Toplantıda AYB Gənclər Şurasının, ali məktəblərin Tələbə Gənclər təşkilatlarının və digər iştirakçıların sözü gedən məsələ ilə bağlı təklif və tövsiyələri dinlənilib, bu təklif və tövsiyələr ətrafında fikir mübadiləsi aparılıb, Şura və təşkilatlar arasında gələcək əməkdaşlığın perspektivləri, qarşıda duran vəzifələr müzakirə edilib.

Tədbirdə AYB Gənclər Şurasının yeni tərkibi də açıqlanıb.

AYB Mətbuat Xidməti