Azərbaycan Respublikasının Prezidenti

    İlham Əliyev cənablarına

    Möhtərəm cənab Prezident!

   Bu gün bir qrup Azərbaycan yazıçısının, ziyalısının Sizə müraciət etməsinin səbəbi görkəmli   

   Azərbaycan şairi, istedadlı rəssam Adil Mirseyidin səhhətidir. Artıq xeyli vaxtdır qaraciyər    

   sirrozundan əziyyət çəkən şairin vəziyyəti təəssüf ki, günü-gündən ağırlaşır  və  artıq  kritik   

   həddə çatıb.

 Çox hörmətli  cənab Prezident!

 Şair Adil Mirseyid ölkəmizin son 35 illik ədəbi-mədəni həyatında dərin iz qoymuş, çağdaş   

   Azərbaycan şeirini təzələmiş, estetik planda yeni müstəviyə çıxarmış  böyük şairlərimizdən

   biridir. Təəssüf ki, o da ədəbiyyat tarixindən adları bəlli bir çox sənətkarlarımız kimi ehtiyac  

   və evsizlik şəraitində yaşayər, indi isə amansız xəstəliklə üz-üzə dayanmışdır. Məhz bu gün

   onun Sizin və Dövlətimizin himayəsi altına alınaraq birdəfəlik və əsaslı  şəkildə müalicə

   olunmasına ehtiyacı var.

   Şairin müalicəsinə yardım etmənizi Sizdən xahiş edirik.

   İnanırıq ki, Sizin şəxsinizdə Dövlətimiz həmişəki kimi humanist davranacaq, şair Adil  

   Mirseyidin müaslicəsinə yardım etməklə həm şairin ailə üzvlərini, həm onun poeziyasını

   sevən minlərlə insanı və bütövlükdə isə ədəbi-mədəni ictimaiyyəti sevindirəcəkdir.

    Dərin hörmətlə,

Səlim Babullaoğlu,
Xəyal Rza,
Rafiq Həşimov,
Elçin İskəndərzadə,
Şeyx Əbdül,
Nizaməddin Şəmsizadə,
Baba Vəziroğlu,
Rey Kərimoğlu,
İlham Tumas,
Qulu Ağsəs,
Ağalar Bayramov,
Kamil Məhərrəmoğlu,
Elçin Hüseynbəyli