 |
  |
Mədəniyyətlər və Dinlər arası əlaqələrin simvolu - “Birinci xanım” kitabınınNovosibirskidə təqdimat mərasimi keçirilib.
AYB.az-ın məlumatına görə, avqustun 20 -21-də Rusiyada fəaliyyət göstərən Türkdilli Xalqlarla Slavyan Xalqları Arasında Əməkdaşlıq Fondu “Həmrəylik” adlı möhtəşəm bir təbdir keçirib. Rusiyada yaşayan azərbaycanlılar və Azərbaycandan tədbirə qatılan nümayəndə heyəti Novosibirskidə toplanıb.
Heydər Əliyev Fondunun 10 illik yubileyi, YUNESKONUN və İSESKONUN sülhməramlı səfiri, millət vəkili, Heydər Əliyev fondunun prezidenti Mehriban xanım Əliyevanın ictimai-siyasi fəaliyyətinə həsr olunmuş “DOSTLUQ KÖRPÜSÜ Azərbaycan – Rusiya” adlı dövlətlərarası elmi-nəzəri konfrans və musiqili ədəbi-bədii gecədə həm Azərbaycan, həm də Rusiya vətəndaşları çıxış edib.
Tədbirdə Azərbaycan Mətbuat Şurasını təmsil edən Rəhim Hüseynzadə, Azərbaycan Respublikası Diasporla İş Üzrə Dövlət Komitəsini təmsil edən Elçin Soltanov, həmçinin Azərbaycan Yazıçılar Birliyindən sədrin müşaviri Rauf Aslanov, Mətbuat Xitmətinin rəhbəri Xəyal Rza, şair-publisist Mirkazım Seyidov və Novasibirskidə yaşayan ictimai-siyasi xadimlər, ziyalılar iştirak ediblər. Konfrans iştirakçılarına Azərbaycanın və Türkiyənin Rusiyadakı səfirlərinin təbrik məktubu oxunub. Tədbirdə şair-publisist Mirkazım Seyidovun azərbaycan, rus və ingilis dillərində çapdan çıxmış “BİRİNCİ XANIM” kitabının təqdimat mərasimi keçirilib. Poemanı Lider TV-nin “Səhər Çağı” proqramının aparıcısı Nuranə Axundova və jurnalist Teyyuba Məmmədova səsləndirib. Azərbaycan nümayəndə heyətini elm xadimləri, diaspor təşkilatlarının rəhbərləri, jurnalistlər və sənətçilər təmsil edib. Tədbir ərəfəsində Novosibirskidə yaşayan soydaşlarımızla, eləcə də Novosibirski şəhər merinin müavini Gennadi Zaxarovla rəsmi görüşlər keçirilib. Rusiyalı rejissor Vladimir Krlovun hazırladığı yubiley konsertində xalq artistləri Bilal Əliyev, Simarə İmanova, müğənni Sədaqət Ulduz və musiqiçilər-tarda Ramin Rzayev, kamançada Anar Yusub iştirak edib. Konsertdə Novosibirski “Qlobus” Dram Teatrının aktyoru Niyaz Ospanbayevin ifasında Rusiyanın və Azərbaycanın fəxri olan böyük sənərkar Müslüm Maqomayevin repertuarı da səslənib.
AYB.az