Sentyabr ayının 16-da, saat 15:00-da Azərbaycan Yazıçılar Birliyinin Natəvan klubunda görkəmli dramaturq Cəfər Cabbarlının 115 illiyinə həsr edilmiş tədbir keçirilcək.

Cabbarlı Cəfər Qafar oğlu (20 mart 1899, Xızı, Rusiya İmperiyası – 31 dekabr 1934-cü ildə vəfat etmişdir, Bakı, Azərbaycan SSR, SSRİ) — Azərbaycan dramaturqu, şairi və nasiri, teatrşünas, kinoşünas, tərcüməçi, kinossenarist, jurnalist, aktyor, rejissor, əməkdar incəsənət xadimi (1932). 1915-ci ildən lirik və satirik şeirlər, hekayə və dram əsərləri yazmağa başlamışdır. Azərbaycan teatr sənətinin inkişafında böyük xidməti olmuşdur.

Cəfər Cabbarlı öz yaradıcılığında Azərbaycan klassik dramaturgiyasının ən gözəl cəhətlərini davam etdirməklə bərabər dünya dramaturgiyasının da nailiyyətlərindən faydalanıb. O, Azərbaycan dramaturgiyasında sosial realizmin banisi sayılır.