AYB.az saytının məlumatına görə sentyabr ayının 16-da Azərbaycan Yazıçılar Birliyinin Natəvan klubunda görkəmli dramaturq, teatr və kino xadimi  Cəfər Cabbarlının 115 illik yubileyinə həsr olunmuş tədbir keçirilib.

    Tədbiri giriş sözü ilə açan Asif Rüstəmli Cəfər Cabbarlının Azərbaycan ədəbiyyatındakı, mədəniyyətindəki müstəsna xidmətlərindən söz açıb.

     Yubiley mərasimində xalq yazıçısı Anar, Türkiyənin Firat Universitetinin dosenti Süleyman Yalçın Kaan, İlqar Fəhmi, Qəmər Seyfəddinqızı,  Fikrət Rzayev, Ağakişi Kazımov, Gülnarə Seyidova, xalq artistləri Məleykə Əsədova, Səidə Quliyeva, Hacı İsmayılov, Oqtay Rza, Tahirə Məmmədli, Himalay Ənvəroğlu və başqaları çıxış edərək  Cəfər Cabbarlının yaradıcılığı, teatr, kino sahəsindəki fəaliyyəti  haqqında danışıblar.

    Tədbirdə Bakı Şəhər Mədəniyyət və Turizm İdarəsi, “Cəfər Cabbarlı adına mədəniyyət, elm və təhsilin inkişafına yardım ictimai birliyi” və Cəfər Cabbarlının Ev Muzeyinin birgə təsis etdikləri “Cəfər Cabbarlı Mükafatı” ilə teatr sahəsindəki xidmətlərinə görə Ağakişi Kazımov – rejissor, respublikanın xalq artisti (Azərbaycan teatr sənətinin inkişafındakı xidmətlərinə görə), Məleykə Əsədova – aktrisa, respublikanın xalq artisti (Azərbaycan teatrında yaratdığı silsilə qadın obrazlarına görə), Hacı İsmayılov – aktyor, respublikanın xalq artisti (Azərbaycan teatrında yaratdığı obrazlar silsiləsinə görə), kino sahəsində İlqar Fəhmi – yazıçı, kinossenarist (kino yaradıcılığı sahəsindəki xidmətlərinə görə), Səidə Quliyeva – aktrisa, respublikanın xalq artisti (Azərbaycan kino sənətinin inkişafındakı xidmətlərinə görə), ədəbiyyatşünaslıq sahəsindəki xidmətlərtinə görə  Himalay Qasımov – fiolologiya elmləri doktoru, professor, Tahirə Məmməd – filologiya elmləri doktoru, professor, Gülşən Əliyeva Kəngərli – filologiya elmləri doktoru, professor və Fikrət Rzayev – filologiya elmləri doktoru, professor, jurnalistika sahəsində Zemfira Kürdəxanlı – jurnalist, (Azərbaycanın görkəmli şəxsiyyətləri haqqında hazırladığı silsilə televiziya verilişlərinə görə), Zərəngiz Dəmirçi Qayalı – şairə, (jurnalistika sahəsindəki xidmətlərinə görə), təhsil və mədəniyyət sahəsində Həşimzadə Xatirə – Azərbaycan klassik ədəbiyyatının gənc nəslə təbliğindəki xidmətlərinə görə),  Azərbaycan Mədəniyyətinin təbliğindəki xidmətlərinə görə Mirəhməd Əsgərov – Əbilov adına Mədəniyyət Mərkəzinin bədii rəhbəri, Səriyyə İsmayılova – Azərbaycan Dövlət Gənc Tamaşaçılar Teatrının baş redaktoru, əməkdar mədəniyyət işçisi təltif olunublar.

    Türkiyənin Firat Universitetinin dosenti doktor Süleyman Kaan Yalçın Azərbaycan-Türkiyə ədəbi-mədəni əlaqələrinin inkişafındakı xidmətlərinə görə Xüsusi Diplomla təltif olunub.

Məlahət Qənbərova
AYB.az