 |
  |
Bu gün Azərbaycan Yazıçılar Birliyinin Natəvan klubunda AYB.az saytının təşkil etdiyi "Bir Bənd Şeir" müsabiqəsinin nəticələri açıqlanacaq.
Azərbaycanın Qırğızıstandakı səfirliyi və bu ölkənin Mədəniyyət, İnformasiya və Turizm Nazirliyi Bişkekin A.Maldıbayev adına Milli Opera və Balet Teatrında Azərbaycan Yazıçılar Birliyinin sədri, Xalq yazıçısı Anar ilə görüş təşkil edib.
"Bir Bənd Şeir" müsabiqəsinin nəticələri, qaliblərin adları "Kitabçı" jurnalında açıqlanacaq. "Kitabçı" jurnalı mart ayının ilk günlərindən satışda olacaq.
“Kitabçı” jurnalı gələn həftədən satışda olacaq. Məzmunu və formatı etibarilə olduqca yeni, yenilikçi bir sənət,ədəbiyyat, kitab dərgisidir. Jurnalın redaksiya heyətində, müəllifləri sırasında çağdaş Azərbaycan ədəbiyyatının ən yeni və ən istedadlı imzaları var. Aylıq rəngli nəşr olan “Kitabçı” hansı zərurətdən yarandı? Nə kimi hədəfləri var? Bütün bu suallarla bağlı jurnalın baş redaktoru Səlim Babullaoğluya müraciət etdik.
Azərbaycan Yazıçılar Birliyinin (AYB) Gənclər Şurasının təşəbbüsü və təşkilatçılığı ilə fevralın 26-da saat 13.00-da Xocalı faciəsinin 22-ci ildönümü ilə bağlı Sahil bağında “Qanlı gəlincik-13 dəqiqə” fləşmobu təşkil edilib. AYB-in mətbuat xidmətindən verilən məlumata görə, Gənclər Şurasının üzvləri flaşmobun keçiriləcəyi 13 dəqiqə ərzində Sahil bağında övladını itirmiş xocalılı ananı təmsil edən, qolları üzərində qanlı gəlincik tutmuş qadının yanında susaraq dayanıblar. AYB-nin mətbuat xidmətinin rəhbəri, Gənclər Şurasının sədr müavini Xəyal Rza belə tədbirlərin təşkilində məqsədin insanların milli faciəmizə-Xocalı qətliamına dünyanın diqqətini cəlb etmək olduğunu vurğulayıb: «Məhz saat 13-00-da, 13 dəqiqə susmaq bu tarixin ən nəhs, ağrılı günlərimizdən biri olduğunu xatırladır. Bəzən sükut dərdləri, faciələri sözdən daha yaxşı anladır. Ona görə də Gənclər Şurası olaraq bu qərara gəldik ki, milli dərdimizi susaraq dünyaya bir daha elan edək. Bu həm də bizim erməni vəhşiliyinə, erməni terroruna üsyanımızdı». Fləşmob bağdan keçən insanların da diqqətini cəlb edib. 13 dəqiqə ərzində bağda 100-dən artıq iştirakçı toplaşaraq Xocalıda qətliama məruz qalan qurbanların xatirəsini ehtiramla yad ediblər.
Tanınmış şair-puplisist, Azərbaycan Yazıçılar Birliyinin üzvü Tofiq Abdin dünyasını dəyişib.
Azərbaycan Yazıçılar Birliyinin Gənclər Şurasının təşəbbüsü və təşkilatçılığı ilə fevralın 26-da saat 13-00-da Xocalı faciəsinin 22-ci ildönümü ilə bağlı Sahil Bağında ( «Sahil» metrosunun yaxınlığı ) «Qanlı gəlincik-13 dəqiqə» fləşmobu keçiriləcək.
Bu il fevralın 17-18-də Türk dünyasının Mədəniyyət paytaxtı Əskişəhərdə VI Türk Dünyası Ədəbiyyat Dərgiləri Konqresi keçirilib. Konqres Avrasiya Yazarlar Birliyinin və TÜRKSOY-un təşkilatçılığı ilə baş tutub və İsmayıl bəy Qaspiralının vəfatının 100 illiyinə ithaf olunub.
Bakı, 19 fevral (AzərTAc). Martın 7-dən 9-dək Bakıda “Böyük İpək Yolu” Beynəlxalq Gənclər İttifaqının (BGİ) təşkilatçılğı ilə Gənc Şairələrin II Beynəlxalq Forumu keçiriləcəkdir.