 |
  |
Avqustun 21-dən 27-dək Helsinkidə incəsənət həftəsi və ənənəvi “RUNOKUU” (“Poetik ay”) Beynəlxalq poeziya festivalı keçirilib.
Sentyabrın 17-də dövlət və özəl təhsil müəssisələri (universitetlər, məktəblər), eləcə də digər müəssisələrin kitabxana sahəsində çalışan rəhbər və işçiləri üçün "Elektron kitabxana idarəedilməsi" mövzusunda təlim keçiriləcək.
AYB.az "AzərTac"a istinadən xəbər verir ki, xüsusi olaraq kitabxanaçılar üçün nəzərdə tutulmuş təlim ALISA sistemi üzərindən kitabxanaların elektron idarəedilməsi, kitabxana işinin asanlaşdırılması və kitabxanaçı-oxucu arasında iş prosesinin sadələşdirilməsi ilə bağlı olacaq. Təlimdə müasir kitabxana işində zəruri olan 3M qurğuları barədə məlumatlar veriləcək.
Təlimdə iştirak edəcək kitabxanaçılar işin asanlaşdırılması, kitabxanalarda yüksək texnologiyaların tətbiqi, kitabxana idarəetməsində lazımi sistemlərin tətbiqi, elektron kitabxana, onlayn kitabxanaların qurulması, kitabxana sistemlərinin fərqləri və s. barədə faydalı məlumatlar əldə edəcəklər. Təlim peşəkar mütəxəssislər tərəfindən keçiriləcək. Təlimdə iştirak pulsuzdur və iştirakçılara sertifikat təqdim olunacaq.
Təlimdə iştirak etmək istəyənlər aşağıdakı linkə daxil olaraq qeydiyyatdan keçə bilər:
seminar.ultra.az/alisa
Qeyd edək ki, Mədəniyyət və Turizm Nazirliyinin tərkibində olan bir neçə Bakı və rayon kitabxanalarında, Gəncə Heydər Əliyev Mərkəzində və Azərbaycan Milli Elmlər Akademiyasının Mərkəzi Elmi Kitabxanasında sistemin bir neçə komponenti tətbiq edilib.
ALISA (Automated Library Information System of Azerbaijan) sistemi kompleks bir layihə kimi Azərbaycanın kitabxana sistemini inkişaf etdirmək üçün yaradılıb. ALISA sistemi Mədəniyyət və Turizm Nazirliyinin sifarişi əsasında "Ultra
Technologies" şirkəti tərəfindən işlənib hazırlanıb.
AYB.az
Bugünlərdə “Azərbaycan” jurnalının 8-ci sayı işıq üzü görüb. Jurnal Xalq şairi Fikrət Qocanın 80 illik yubileyi münasibətilə özünün şeirləri, eləcə də İntiqam Qasımzadənin tərcüməsində Aleksandr Qriçin “Qocalmayan Fikrət Qoca” və Yaşar Qasımbəylinin “Rəsul Rza və Fikrət Qoca” yazıları ilə açılır.
“Poeziya” rubrikasında Əbülfət Mədətoğlu, Kəmaləddin Qədim, İslam Sadıq, Zeynal Vəfa, Ayişə Nəbi, Vəfa Mürsəlqızı və Sənəm Səbayelin şeirləri yer alıb.
“Nəsr” bölməsində Gülşən Lətifxanın “Kabus” povest-pritçası, Əli Şirin Şükürlünün “Su pərisi” povesti, Qərib Mehdinin “Evin kişisi”, İntiqam Mehdizadənin “Qaçqın qarları” hekayələri yer alıb. “Tərcümə” rubrikasında verilən Norveç yazarı Sulvey Kristovun iki pərdəli “Qurtuluş” pyesini şair-tərcüməçi Səlim Babullaoğlu dilimizə çevirib.
“Dünya, səndən kimlər keçdi...” bölümündə Əlövsət Bəşirlinin yazıçı Əlibala Hacızadənin 80 illik yubileyinə həsr olunmuş “...Əsərlərimlə yaşayacağam” yazısı öz əksini tapıb.
“Bizim türk dünyamız”da Almaz Həsənqızı “Vətəni tədqiqatlarında yaşadan folklorşünas” məqaləsilə folklorşünas Əhməd Cəfəroğlunun ömür yolundan, ədəbiyyata xidmətlərindən söz açır. “Xatirələr, duyğular” bölməsində şair Qəşəm Nəcəfzadə “Şəkillər. Yaşamaq lazımdır sabaha qədər” yazısında mərhum ziyalı Aydın Məmmədovun yaradıcılığını araşdırıb.
Sona Xəyalın 120 illiyi ilə bağlı qələmə aldığı “İncə yumor, sağlam gülüş”də şair Əhməd Anatolludan söz açıb.
“Tənqid və ədəbiyyatşünaslıq” rubrikasında Pərvanə Məmmədlinin “Cənubi Azərbaycanda ədəbi proses”, Aynur Xəlilovanın “Uşaq folkloru: problemlər, mülahizələr”, Aysel Qəriblinin “Növhə və ya bir janrın göz yaşları”, Lətifə Mirzəyevanın “Qiymətli ədəbi inci” yazıları oxuculara təqdim olunub.
AYB.az
Bomboş bir səssizlik,bomboş...
Misir Mədəniyyət Mərkəzi Azərbaycan Milli Elmlər Akademiyasının (AMEA) Məhəmməd Füzuli adına Əlyazmalar İnstitutuna 5 min adda kitab hədiyyə edib.
Bu ilin fevralında Misir Ərəb Respublikası səfirliyinin mədəniyyət attaşesi – Misir Mədəniyyət Mərkəzinin müdiri Əhməd Sami Elaidi AMEA Məhəmməd Füzuli adına Əlyazmalar İnstitutunun qonağı olan zaman İnstitutla Mərkəz arasında qarşılıqlı əməkdaşlığın yaradılması ilə bağlı bir sıra tədbirlərin həyata keçirilməsi nəzərdə tutulub.
Artıq yaradılmış əməkdaşlığın nəticələrindən biri olaraq Misir Mədəniyyət Mərkəzi tərəfindən ərəb dilində 5 min adda kitabın elektron versiyası Əlyazmalar İnstitutuna hədiyyə olunub. Həmin kitablar İslam tarixinə və ərəb ədəbiyyatına dair əsərlər, eləcə də ayrı-ayrı ensiklopediyalar və poeziya toplularıdır. Təqdim olunan nəşrlər arasında ərəb mühacirət ədəbiyyatının görkəmli nümayəndəsi Cübran Xəlil Cübranın ingilis dilində yazdığı əsərlərin ərəb dilinə tərcümələri, eləcə də Avropa ədəbiyyatından bir sıra digər tərcümələr var.
Hazırda Əlyazmalar İnstitutuna hədiyyə olunmuş ərəbdilli kitabların elektron bazasının yaradılması prosesi həyata keçirilir. Yaxın zamanda ərəbdilli kitabların elektron bazası oxucuların istifadəsinə təqdim olunacaq.
AYB.az
Bu günlərdə Rəşad Məcidin “O” adlı şeirlər kitabı İtaliyada, Milan şəhərində, italyanca çapdan çıxıb.
TÜRKİYƏNİN MƏDƏNİYYƏT VƏ TANITMA MÜŞAVİRİ İLƏ AZƏRBAYCAN YAZIÇILAR BİRLİYİNDƏ KEÇİRİLƏN VİDA TƏDBİRİNDƏ “ÇANAQQALA. MİLLİ RUH” KİTABININ TƏQDİMATI KEÇİRİLİB
İyun ayının 18-də Azərbaycan Yazıçılar Biriyində keçirilən toplantıda önəmli qərar qəbul edilib.
İyunun 6-da MDB-nin mədəniyyət paytaxtı olan Voronejdə “Birlik ulduzları” altıncı humanitar mükafatın təqdim olunması mərasimi keçirilib. Bu il humanitar fəaliyyət nominasiyasında laureat Azərbaycan yazıçısı Çingiz Abdullayev olub. Mükafatın məbləği iki milyon rubl (37 200 manat) təşkil edib.
Laureatları Voronej vilayətinin qubernatoru Aleksey Qordeev, Azərbaycanın Rusiyadakı səfiri Polad Bülbüloğlu, Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy təltif ediblər.
Çingiz Abdullayev çıxışında bunları deyib:
“Əminəm ki, on ildən sonra dəb dəyişəcək, elektron kitablar dövrü başa çatacaq. Voronejdə isə Nikitin adına gözəl kitabxana qalacaq. Fyodr Dostoyevski inanırdı ki, axirət günündə bizim günahları soruşacaqlar. Biz cavabında nə deyəcəyik? O hesab edirdi ki, əgər tərəzinin bir gözünə “Don Kixot” tomunu qoysaq, o bizim bütün günahları üstələyər. Yəni bəşəriyyət ümidsiz deyil. Hesab edirəm ki, əgər sizin bu cür kitabxanalarınız varsa, Voronej xilas olacaq!”.
Qeyd edək ki, “Birliyin ulduzları” mükafatı 2009-cu ildə Humanitar Əməkdaşlıq Şurası və MDB ölkələrinin humanitar əməkdalıq dövlətlərarası Fondu tərəfindən təsis olunub. Mükafata hər il humanitar fəaliyyət sahəsində ən əhəmiyyətli nailiyyətlərə görə MDB ölkələrinin nümayəndələri layiq görülür.
AYB.az
İyunun 6-da Beynəlxalq Muğam Mərkəzində Azərbaycan Yazıçılar Birliyinin (AYB) təşkilatçılığı ilə Azərbaycanda V Şairlər Gününə həsr edilmiş tədbir keçirilib.
Azərbaycan Yazıçılar Birliyinin sədri, xalq yazıçısı Anar tədbirin böyük şair Mikayıl Müşfiqin və xalq şairi Vaqif Səmədoğlunun doğum günündə keçirilməsini, bu dəfəki V Şairlər Gününün Nurəngiz Günün xatirəsinə həsr edilməsini əlamətdar hadisə kimi dəyərləndirib.
Tədbirdə Nurəngiz Günə həsr edilmiş film nümayiş etdirilib.
AYB-nin mətbuat xidmətinin rəhbəri, şair Xəyal Rza bu tədbirin ölkəmizdə artıq 5 ildir ki, keçirildiyini və builki mərasimin məhz şairə Nurəngiz Günün anılması ilə başlandığını heç də təsadüfi olmadığını söyləyib.
Azərbaycan Milli Elmlər Akademiyasının vitse-prezidenti, filologiya elmləri doktoru, professor İsa Həbibəyli çıxışında şairlər günündən və bu tədbirin Azərbaycan ədəbiyyatı üçün vacibliyindən söz açıb.
Çıxış edənlər arasında Bədii Tərcümə və Ədəbi Əlaqələr Mərkəzinin rəhbəri, şair Səlim Babullaoğlu Şairlər Günündən danışıb və şeir səsləndirib.
Bildirilib ki, Azərbaycan Şairlər Günündə həmişə olduğu kimi, bu dəfə də ölkəmizin, habelə dünyanın 10-dan çox ölkəsindən incəsənət, mədəniyyət xadimləri, tanınmış şairlər və ziyalılar iştirak edirlər.
Tədbirdə ölkəmizin və qardaş xalqlar ədəbiyyatının təmsilçiləri olan şairlər həyata, dünyaya və insana məhəbbət hissindən yaranmış şeirlərini səsləndiriblər.
Mərasimdə xarici ölkələri təmsil edən şairlərə “Mikayıl Müşfiq” diplomu və Nurəngiz Günün “Qalanlara” kitabı hədiyyə edilib. Hədiyyə alanlar içərisində Ukraynanın tanınmış radioaparıcısı Konstantin Doroşenko, Gürcüstan yazıçısı Givi Alxazişvili, Özbəkistanın “Kitab dünyası” qəzetinin baş redaktoru Xasiyyət Rüstəm, Moskvada yaşayan şairəmiz Nilufər Şıxlı və başqaları da vardı.
Bir neçə azərbaycanlı qələm sahibinə də “Mikayıl Müşfiq” mükafatı təqdim olunub.
Sonda incəsənət ustalarının ifasında konsert proqramı təqdim olunub.
AYB.az